Bilayer

Bilayer

Bilayer er ein duo sett saman av Hilde Marie Holsen (trompet/effektar) og Magnus Bugge (analog synthesizer). Musikarane vekslar smertefritt mellom ulike kontrastar – frå minimalistiske arrangement som ser ut til å kunne strekke seg i det uendelege over tid og stad, til framande lydbilete av øydeleggjande teksturar og kjenslemessige råopplevingar.

Musikken til Bilayer er som ein fabel der ein ikkje heilt veit kva som eigentleg var opphavet til det ein får høyre. Bandet køyrer flat struktur der alle lydar er like viktige, og dei ulike lydelementa like gjerne kan kome frå Holsen sine prosesserte trompetlydar som frå Bugge sine syntetiske lydar. Saman utgjer Bilayer eit energisk uttrykk som spelar i det naturlege spenningsfeltet ein kan finne i improvisert musikk, og som vidare vert kanalisert til fullkomne og samspelte komposisjonar.

Frå før kjenner vi Magnus Bugge som ein elektronisk komponist og musikar, med både filmmusikk og lydinstallasjonar på samvitet. Han har gitt ut fleire soloalbum, seinast «Imaginary Summer» som kom ut sommaren 2018. Han har jobba som musikar og komponist med fleire dansekompani, og er no i Verdensteatret. Hilde Marie Holsen har kome med to kritikarroste soloalbum på Hubro, «Ask» (2015) og «Lazuli» (2018), og har gjort fleire solokonsertar på festivalar i inn- og utland som Oslo Jazzfestival, Punkt og Rewire. Saman bygger desse to musikarane bru mellom jazz, samtidsmusikk og elektronika. På nyåret 2019 kjem dei ut med sitt debutalbum «Bilayer» på det norske plateselskapet Va Fongool.

Siden 2015 har duoen blitt invitert til å spille av flere konsertarrangører for eksperimentell improvisasjonsmusikk: Bidrobon (Oslo), Fritt Fall (Oslo), SkRR (Oslo), Friform Kirkenes og Oddnose (Nesodden). Hausten 2018 blir Bilayer mellom anna å høyre på Nonfigurativ musikk (17. november) og Haugesound (21. november).